DONOSTIA: CHAPTER 1

Guk Donostia hiria aukeratu dugu lan hau aurrera eramateko. Horretarko bideo bat egin eta txosten bat aurkeztuko dugu, non hiriaren nondik norako guztiak azalduko ditugun, honen bitartez kapotarrak Donostia ezagutzea eta bertaratzea diren helburu.

Proiektu honen jarrraipena blog honen bitartez egingo dugu, beraz adi egon!

Irakasle Funtzioan ikasia

Lau hilabete honetan Irakasle Funtzioan huts hutsean irakasle batek duen funtzioa eta papera ezagutu dut, uste dut hau dela arlo honen helburu nagusia.

Baina irakasle batek duen funtzioa oso konplexua denez, zenbait jakintza barneratu behar dira. Lehen astean, behin aurkezpenak eginak taldeka jarri ginen eta blog bat sortu genuen, etorkizunean oso baliagarria bihurtu zaiguna, bertan gure lanak esekitzeaz gain beste taldeetako kideen ikuspuntua ikusteko.

Hirugarren astean irakasleak lege ikuspuntutik jakin beharreko zenbait gai irakurri genituen, Euskal Herriko zein Espainiako zenbait dekretu landuaz. Gainera gai hau gaur egunean ere pil pilean dago, LOMCE dela eta, eta beraz gaiaz zertxobati gehiago jakiteko eta gure iritzia lantzeko interesgarria izan da, modu berean ikuspuntu kritiko bat ere sortuaz.

Bestalde irakasle baten paperean jartzeko beste zenbait ekintza ere egin ditugu, besteak beste irakasle miresgarri bati elkarrizketa. Bertan gaur egungo iraskuntzako gora behaera ugari ikasiaz, hala nola: erabili beharreko teknikak, irakasle baten ezaugarriak, arazo-iturriak... Esan dudan moduan irakasle paperean ere jarri gara, praktika moduko batzuk eginaz. Hauen artean aipatu beharra dut, burutu genuen mintegia eta jarraian etorri zen ebaluaketa garaia.

Gai honekin loturik etengabeko formakuntza ere aipatu behar dut, izan ere irakasleok formakuntzan etengabean gaude. Gure taldeak gaur egungo gazteengan eukararen galketa gaia landu zuen, gai honetaz gain beste zenbait gai ere ezagutu genituen beste taldeetako kideek azalduak.

Bukatzeko, azken aste hauetan roll-playing moduko ere egin dugu, non tutoretza gaia landu dugun. Hemen ere irakasle paperean jarri gara, beharrezko dokumentazioa bilatuz eta gurasoekin bilera simulatuaz.

Laburbilduz lau hilabete honetan irakasle paperean jartzeko aukera ugariak izan ditut eta baliagarria izan zait zenbait gauza ikasteko.

Txirrindularitzan entrenatzaile - Motibazioa

     Aurreko astean azaldu nuen moduan, kadete mailako txirrindulari talde bat entrenatzeko aukera suertatu zait eta nire formakuntzan interesgarria izan daiteken praktika bat iruditzen zaitenez, hainbat sarreren bitartez zenbait gogoeta idatziko ditut.

Taldeko txirrindulari bati azalpenak ematen.

     Gaur hain zuzen motibazioaren gai jorratuko dut, izan ere gai hau ikasgelan landu duguenetako bat da, hain zuzen katuz-katu ko kideek landu zuten gaia. Talde honek aipatu zuen moduan, ikasle baten ikasteko eta lan egiteko gogoak mantentzeko motibazioa oso garrantzitsua da eta horretarako zenbait teknika daude.

     Gai honek erlazio zuzena du nire kasuarekin, izan ere kirolean ere motibazioak oso paper garrantzitsua du. Nire helburu nagusietako bat, nire txirrindulariak taldean gustora eta partea hartzaile egotea da, eta uste dut lortzeko bidean nabilela. Helburu hau lortzeko zenbait joku dinamiko erabili nituen pasa den astean eta azterketa txiki bat ere egin nuen, nik irakatsia ikasi zuten jakiteko eta emaitzak ikusiz modu batean lanaren fruitua ikus zezaten. Izan ere, astean zehar zenbait gai ezberdin azaldu nizkien: karreren funtzinamendua, elikadura, taktikak eta abar; eta hauek barneratuak izan zirela ikusi nai nuen.

     Bestalde motibazioaren gaia dugu, taldeko giro ederra mantentzeko ziklista guztiak motibatuak mantentzea garrantzitsua baita. Gure kasuan motibazio-iturri nagusia lehenengo lasterketetan jaso ditugun emaitza onengatik iritsi da. Duela bi asteko sarreran aipatu nuen moduan lorturiko emaitzak bigarren maila batean aurkitzen diren arren, txirrindularien jarreran eragin zuzena dituzte. Zorionez, belodromoan hasi berri dugun denboraldi honetako lehen lasterketetan taldeko txirrindulariek, bakoitzak bere neurrian, emaitza politak eskuratu zituzten. Hori dela eta mutilek beraien esfortzuaren emaitza ikusi zuten eta motibazio faktore oso garrantzitsua bihurtu da taldean.

     Etorriko diren lasterketetarako beraz taldea gogotsu dago, eta etorkizunean naiz eta emaitzak ez hain onak izan espero dut beraien motibazio maila mantendu edo igotzeko gai izatea.

TXIRRINDULARITZAN IRAKASLE

     Atzo azaroak 15 ostirala nire bizitzan lehenego aldiz aritu nintzen entrenatzaile lanetan eta esan daiteke Aranbizkarra ikastolan egiten ari garen praktikak alde batera utziz, nire formkuntzako lehen praktika izan zela. Izan ere orain arte, ez dut ez irakasle, ez entrenatzaile eta ez monitore modura lan egin.

 

     Esan bezala, atzo lehen aldiz gidatu nuen entrenamendu bat, hain zuzen urte honetan zehar Donosti-Berriko Txirrindularitza eskolako kadete mailako gaztetxoak zuzenduko ditut orain arte nire entrenatzaile izan denarekin batera. Hasiera batean, astean zeharreko entrenamenduetara ezin izango dut joan Gasteizen bizitzen eta ikasten bai nago, baina ostiraletako entrenamenduetan eta aste buruetako lasterketetan egongo naiz entrenatzaile-direktore moduko lan bat egiten.

 

     Esperientzia berri hau gogo biziz eta ilusioz hartu dut, izan ere ahal dudan neurrian haur hauei hezkuntza bat eman behar diet eta praktikan jarriko ditut nire ikasketak.

 

     Maila hauetan lasterketetan emaitza onak eskuratzea edo hauek lehiatzen aritzea bigarren maila batean geratzen da eta garrantzitsuena ziklista gazte hauek kirolak dituen baloreak ikastea eta neurri batean beraien bizitzan lagungarri izango diren ohiturak ikastea da. Beraz hau izango da nire helburua denboraldi honetan, talde giro aparta eskuratu eta txirrindulari guztien jarrera bikaina izatea, eta noski txirrindularitza bezalako kirol eder honetaz disfrutatu eta maitemintzea.

 

Aukera hau suertatu zait eta espero dut nire irakasle formakuntzan lagungarri izatea!

Euskaraz Bizi

Euskara, euskal biztanleen ikur esanguratsua da eta gehienok baloratzen dugun hizkuntza da. Gure historiaren eta kulturaren zati handia denez, zaindu egin behar dugu, partaide izaten jarraitzeko. Euskara baita bereizten gaituen hizkuntza.

Euskara jakitea abantaila eta zortea da, horrela, beste hiriko edo herrialdetako biztanleek baino hizkuntza gehiago hitz egiten ditugu eta. Pribilegiatuak gara bi edo hiru hizkuntza, gutxienez, ikasten ditugulako txikitatik, beste hirietan, aldiz, ez. Hau da, gero eta hizkuntza gehiago hitz egin edo jakitea, hobeto.

Euskarak garrantzia du, zeren eta gazteek, mutilek eta neskek, gizartean hizkuntza propio batekin hazi al direlako, baita hezkuntzan ere. Euskararen garrantzia nabarmena da, abantaila positiboak baino ez ditu ekartzen gure historiarako, kulturarako, gizarterako, hezkuntzarako…

Lehenik eta behin hezkuntza eredu desberdinak azalduko ditugu: D eredua dena euskaraz, B eredua euskaraz eta gaztelaniaz eta A eredua dena gaztelaniaz. Gaur egun Lehen Hezkuntzan eta DBHn dauden ikasle gehiengoaren lehen hizkuntza gaztelania da baina, esan beharra dago, D eredua dela gehien egiten dena, beraz, klasean euskaraz egiten dute.

Aurrekoarekin jarraituz, Lehen Hezkuntzan dauden ikasleen gehiengoak klasean ikaskideekin euskaraz bakarrik ikasten dute, baina DBHkoek, ordea, gazteleraz hitz egiten dute klasean beren ikaskideekin. Jolas orduan, bi zikloetako ikasleen gehiengoak egiten du erdaraz ikaskideekin. Gure ustez klasean daudenean gutxienez, ikasle guztiek euskaraz egin dezaten bultzatu beharko zuketen irakasleek. Jolas orduan badakigu ez dela erraza guztiak kontrolatzea.

Irakaslearekin klase barruan hitz egiten dutenean gehiengoak euskaraz egiten du, baina badaude erdaraz hitz egiten dutenak ere. Jolas orduan, gehiengoak euskaraz hitz egiten dio irakasleari baina klasean baina gehiago hitz egiten diote gazteleraz. Irakasleek gaztelaniaz hitz egiten uzten badiete, geroz eta gehiago hasiko dira hizkuntza horretan hitz egiten eta horrek euskararen erabilera murriztu eragingo du, noski. Beraz, irakasleek beti berarekin gutxienez euskaraz hitz egiten bakarrik utzi beharko lieke bere ikasleei edo ikasle ez direnei, hau da, ikastolako edozein umeri.

Horretaz aparte, ikastola askotan haur hezkuntzatik batxiler arte ikasle guztiak erakunde edo eraikuntza berdinean batera daude. Hau kaltegarria izan daiteke euskararen erabilerarentzako. Normalean, haur hezkuntzan euskaraz batxilerrekoek baino gehiago hitz egiten dute. Denak kontaktuan egonda, haur txikiak handiagokoengatik influenziatu egiten dira eta askoz lehenago hasten dira gazteleraz hitz egiten. Hau nabarmena da generazio berriek aurrekoek baino euskara maila baxuagoa daukatela ikusi dugulako. Hau ez gerta dadin, irakasleek DBH 3-4ko eta Batxilergoko ikasleak haurrekin euskaraz egiteko animatu egin behar dituzte.

Gure arazoaren faktoreak ugariak dira baina kasu guztietan ez dira berdinak. Izan ere, zergatiak bi zatitan bana ditzazkegu, alde batetik orokorrak daude, zeintzuk kasu guztietan zer esan handia duten, haien artean daude: adina, sexua, hezkuntza eta gizartea. Baina bestalde kasuan kasuko faktoreak daude, hau da, herria, eskola, testuinguru linguistiko eta abarren arabera aldatzen direnak.

Beraz orain aztertu behar dugun gaia faktore orokorren barnean kokatzen da, gainera oso faktore garrantzitsua da, izan ere aditu askok dioten moduan hizkuntza kasu askotan gizartearen erreflexua da.

Etxeko helduenen egoerari dagokionez beraiek jasotako hezkuntza eta gaztaroan jasan izan zuten egoera zaila kontuan izanik, aipatu behar da euskara tasa nahiko baxua izan daitekeela, gainera kasu askotan ez dute euskara egiteko ohitura batere barneraturik. Bestalde, aipatu behar da Euskal Herriko kostaldean industria guneek eragindako nekazal exodoak ere zeresan ugari duela, izan ere espainiar ugari etorri zen Euskal Herrira eta ondorioz euskara tasa jaitsi egin zen.

Gaur egun heldu askok eta askok ez dakite euskaraz hitz egiten eta zoritxarrez beste askok jakin arren ez dute erabiltzen. Kasu hau gizon zein emakumezkoetan ematen da, agian emakumezkoetan gehiago. Kasu honen arrazoi nagusia ohitura falta izan daiteke, gaztaroan debekatua egonagatik ez zen erabiltzen eta zorionez garaiak aldatu diren arren ohitura batzuk ez dira aldatu eta bi euskara hiztunen artean gaztelania entzutea nahiko ohikoa da.

Orain gurasoen kasua ere aipa daiteke, bertan 40-50 urte bitarteko helduen kasua aztertu behar dugu. Hauek izan zuten hezkuntza eta familia giroa oso ezberdina izan zen beraien artean, eta ondorioz ohiturak ere desberdinak dira. Izan ere, batzuk diktadura garaiko hezkuntza jaso zuten moduan, beste batzuk ikastolara joateko aukera izan zuten. Sexuen arteko desberdintasunei dagokionez ere, nahiko ohitura antzekoak dituzte, hori bai azterketek diotenez emakumeek gizonezkoek baina euskeraren erabilera gehiago egiten dute.

Gaur egungo ume eta gazteen aiton-amon eta aita-amen kasuak aztertu ditugu umeen euskara erabiltzeko ohituran oso paper garrantzitsua dutelako. Azterketan honen ondorioz esan dezakegu gure etxeko gaztetxoak oso familia giro ezberdinak izan ditzaketela beraz barietatea ere handia izango dela. Baina naiz eta familia askoren giroa nahiko erdalduna izan eta gaztelania izan hizkuntzarik erabiliena, ikastolen kantitateak eta bertan ikasten duten haurren kantitateak gora egin du, laburbilduz euskalduntzen prozesu baten alde daudela esan daiteke.

Umeek ordea beraien gurasoek ezarri nahi duten euskalduntze prozesu hau ez dute guztiz aurrera eramaten, litekeena da hezkuntzaren errua izatea edo familia giroak guk uste baino garrantzi gehiago izatea.

Beraz ulergarria da umeek etxean etxeko hizkuntza erabiltzea, baina zer geratzen da etxetik kanpo? Ba egoera eta hizkuntza ez dela aldatzen. Kasu askotan jakin izan da ume  erdaldun askok euskara ikasi arren irakaskuntzarekin eta eskolarekin bakarrik erlazionatzen dutela  eta ez dutela beraien bizitzarako hizkuntzatzat. Kasu hau bai mutil bai nesketan ematen da.

Beste arrazoi garrantzitsu bat moda jarraitzearena izan daiteke, haurrek gustatzen zaizkien gauzak gaztelaniaz entzun ezkero beraiek ere honela egingo dute. Mutilen kasuan adibidez kirol probak ikustea oso gustuko izaten dute orokorrean, batez ere futbola; bertatik jasotzen duten informazio ia guztia erdaraz jasotzen dute eta beraiek horregatik ere erdara erabiliko dute. Nesken kasuan ere berdin gertatzen da, filmekin, musikarekin, kirolekin, jostailuekin eta abarrekin erlazionaturiko gehiena gaztelaniaz jasotzen dutelako.

Zenbait azterketek erakutsi duten moduan, eta guk ere lehen pertsonan ikusi dugun moduan, zoritxarrez bi sexuetako gazteek dute gaztelaniara jotzeko ohitura. Nesken kasuan ohitura aldaketa hau lehenago eman daiteke, izan ere nesken garapen psikologiko zein biologikoa lehenago ematen da eta honek zerikusia du erabiltzen duten hizkuntzan. Baina oso posiblea da behin etapa hau igarota euskararako itzulera gertatzea. Mutilen kasuan erdararako prozesu hau ere ematen da, baina kasu askotan, nesketan ez bezala, ez da itzulerarako prozesua gertatuko, hots, behin mutilek gaztelania erabiltzeko ohitura harturik ez dira euskarara itzuliko.

Bideo honetan Nafarroako Erriberan euskarak bizi duen egoera latza aztertzen du, eta bertako euskaldunek eta Argia Ikastolak euskal komunitate bat sortzeko egin dituzten ahaleginak plazaratzen ditu.

Lan honetarako erabili ditugun erreferentziak honako hauek dira:

• Hemen LH 4en eta DBH 2n hizkuntzek duten egoera azaltzen da 2011. urtean.
• Erreferentzia honetan euskararen erabilera aztertzen dute kalean egindako galdetegi baten bidez.
• Esteka honetan Txingudi Ikastolako euskararen normalizaziorako proiektua agertzen da.

Gure hizkuntza hezkuntzan bultzatuz

Gaur egun, hezkuntza arloan, euskera geroz eta gutxiago erabiltzen da eta gai honek kezkatzen gaituenez, nondik norakoak aztertu eta konponbideak aurkitzen sahiatuko gara. Beraz, aukeratu dugun gaia euskeraren erabilera da.

Naiz eta azken urte hauetan aurrera pausuak eman, irudetzen zaigu geroz eta erabilera txikiagoa duela gure hizkuntza. Agian aurrera pauso edo iniziatiba hauek hezkuntzaz kanpo eman dira eta ez dira nahikoa. Generazio berriak eskolatik ateratzen direnean geroz eta gutxiago hitz egiten dute euskeraz. Horregatik hezkuntza arloan arazo honi soluzioa bilatu nahi diogu.

Bereziki gure herrietako famili eta ikastoletako kasuak aztertuko ditugu, gertuen ditugulako. Espero dugu arazo honen sorburua aurkitzea eta soluzio egoki bat ezartzea.

Elkarrizketaren Ideia Nagusiak

Hona hemen irakasleari egindako elkarrizketan gure taldeak atera dituen ideia nagusiak:

IRAKASLEAREKIN ELKARRIZKETA ETA GOGOETA

Bakoitzak herri, ikastola, maila eta arlo ezberdinetako irakasleei elkarrizketa egin diegun arren, harritu egin gaitu komunean izan ditugun ideien ugaritasunak, hau da, esan dezakegu gure ikasleen artean antzekotasun ugari daudela, jarraian hauek aztertuko ditugu eta beraien artean dauden desberdintasunak ere azaldu.

 

Esan dudan moduan irakasleen arteko ideien antzekotasuna ugari izan da; alde batetik garbi geratu zaigu irakasle lana ez dela batere erraza, naiz eta azken urteotan gizartean  hartu duen ospea bestelako izan, irakasleok zailtasun honetaz ohartarazi diguten arren orokorrean poza eman die guk ere beraien bide bereberetik jarraitzea.

 

Ondoren irakasle lanean beharrezko jakintzak eta baliabideak galdetzean orokorrean beraien erantzun berbera izan da pazientzia eta bokazioa. Pazientzia ezinbestekoa dela diote gure irakasleek, gainera irakasle onari buruz galdetzean erantzuna ez berdinak izan ziren. Batzuk ezin izan zuten erantzun zehatz bat eman eta eman zutenak oso subjetiboak izan ziren. Hori bai, ikasleen motibazioa mantentzea ere beharrezkotzat jotzen dute, horretarako zenbait teknika erabiliaz. Nire kasuan adibidez nire irakasleak errefortzu positiboa teknika erabiltzen  duela esan zidan, hots, ikasleek ondo egiten dutena baloratzea eta beraiek esfortzuaren emaitza ikustea.

 

Tekniken gaia jorratuz, beste irakasle baten aburuz ikaslearekiko gertutasuna mantentzen saitu behar da, modu batean klaseko egoera informalagoa izaten eta elkarrizketaren bitartez arazoak konponduaz. Teknikekin batera beraien hezkuntza bizitzan izan zituzten zailtasunak ere aipatu zizkiguten eta ohartu gara irakasleen arteko eztabaida eta liskarrak ez direla oso ohikoak eta ohikoagoak direla adibidez gurasoekin dauden arazoak. Gure irakasleetako bik aipatu zigutenez gurasoekiko harremanak hobeak izaten saitu behar da orokorrean, izan ere ezinbestekoa da harreman hau umearen hezkuntza eta garapenean.

Elkarrizketaren beste puntu interesgarrietako bat  beraien formakuntzaz hitz egitea izan zen. Gai honetan gure irakasleak ere nahiko ados zeuden, ez ziren beraiek jasotako formakuntzaz kexatzen baina orain ditugun praktikak ezinbestekotzat jotzen dituzte, nire irakaslearen kasuan bereziki denbora arazoak zirela eta ezin izan zituen praktika asko egin eta ondoren klase ematerako garaian faltan bota zuen esperentzia hau. Laburbilduz, geletara esperientziarekin sartzea beharrezko ikusten dute gure ikasleek.

IRAKASLEAREKIN SOLASALDIA

Duela aste pare bat izan genuen irakasle miresgarri bati elkarrizketa egin behar geniola esan zigutenean automatikoki pentsatu nuen irakasle batengan eta elkarrizketa berari egitea erabaki nuen.

              Hori dela eta, joan den ostiralean lehen hezkuntza egin nuen ikastolara gerturatu nintzen aspaldiko partez. Hasieran ez nekien nire soinketako irakasle izan zena eskolan aurkituko zen edo ez, izan ere 6ak aldera gerturatu nintzen eta ez zegoen klaserik ordurako. Atezainari Josune ikusi zuen galdetu eta kafetegira hurbiltzeko esan zidan. Urduri kafetegian sartu eta han ikusi nuen Josune urte luzez nire soinketako irakasle izan zena. Nahiz eta berarekin azken klasea duela urteak eman izan, 6 mailan azkena, ordu ezkeroz kaletik ikusi dut eta gehienetan beti geratu izan gara hitz egiten, beraz bazuen nire berri eta gogoratzen zen niretaz. Agurtu ondoren nire asmoen berri eman nion eta ez zuen inolako oztoporik jarri eta oso interesaturik aurkitu nuen lehen unetik, poza eman zion nik ere bere bide berdinak jarraitzea magisteritza ikasketak egiten. Hamar bat minutuko elkarrizketaren ondoren hurrengo ostiralerako geratu ginen (urriak 18).

Esan dudan moduan duela bi egun berriro ere gerturatu nintzen ikastolara eta bertako kafetegira non mahi batean eserita grabagailua piztu eta hitz egiteari ekin genion. Elkarrizketa zuzen bat izan beharrean nik gai bat proposatzen nuen eta nire irakasle izan zenak bere esperientzia eta ikus puntuaren berri ematen zidan. Solasaldi oparo baten ostean agurtu eta edozein laguntza behar nuelarik arazorik gabe gerturatzeko edo deitzeko esan zidan, hori bai pena eman zion nik ikastolan praktikak egiteko aukera ez izatea.

KONTZEPTU MAPA

MAREA BERDEA IRLA BALEARRETAN

Aurreko asteko astelehenean hilak 7, Balear Irletako zenbait eskola publikoetako maisu maistrek 15 egunez  zuten greba amaitutzat jo ez zuten arren, ikasgeletara itzultzeko erabakia hartu zuten, egun luzez luzatu eta komunikabideetan oihartzuna izan duen greba honi "Marea berdea"  deitu zaio. Baina ez da izen honez deitzen zaion lehen greba, izan ere izen hau erabili  da 2011tik aurrera gobernuak eginiko murrizketen aurka egin den greba orori.

 

 

Greba honen hasiera iralaren 16an izan zen, Balear Irletako eskola (unibertsitateak ez) bueltaren lehen egunean, jakin izan da lehen egun honetan irakasleen %91ak egin zuela greba.

 

Grebaren zergatia ez da bakarra, baina badago arrazoi nagusi bat; izan ere, José Ramón Bauzáren (Partidu Popularra) gobernua sistema trilingüe berria ezarri du irletan, sistemak honetan katalanez eman beharreko orduak gutxitzen dira eta ingelesari eman beharrekoak gehitu, esan daiteke Wert ministroak ezarri nai duen LOMCE lege organikoaren antzekoa dela baina ez hain muturrekoa. Aipatu dudan moduan, lege honen onarpena da grebaren arrazoi nagusia baina zergati gehiago ere badaude; izan ere murrizketak ere ugariak izan dira: soldatetan, garraio beketan eta jangeletan. Beste arrazoi sendoetako bat, lege berri baten agerpena da zein onartu geratzen bada 10.000 euroko isunak ezarriko diren katalan ikurriña hezkuntza zentroetan izateagatik.

 

Greba honen konbokatzaileak Assemblea de Docents de les Illes Balears eta Crida plataforma izan ziren, eta jarraitzaile bat aipatzeagatik Sindicat d´Estudiants dels Paisos Catalans (SEPC).

 

 

Zenbait guraso ere greba honen aldeko jarri dira eta irakasleak apoiatzeko beraien umeak ez dituzte eskolara eraman egun hauetan, zenbait politikari astindu dituen erabakia izan dena, Balearretako diputatu batek beraien umeak eskolara eramaten ez dituzten gurasoei kustodia kentzeko mehatxua egin zuen,  adibidez. 

 

Esan dudan moduan urriak 7 irakasleek ikas geletara itzultzeko erabakia hartu zuten baina garbi esan zuten greba ez zutela amitutzat ematen. Emaitza esanguratsu moduan aipatu behar da kontu korronte bat ireki zela greban zeuden irakasleen alde eta 200.000 euro pilatu zirela.

KONTZEPTU MAPA

Aste pedagokikoa dela eta, gure taldea gaur astelehena ez da elkartu kontzeptu mapa egiteko eta bihar elkartuko gara. Hori bai, bakoitzak bere testua irakurri, aztertu eta ideiak eskematizatu ditu, elkartzen garenean osatuko dugo kontzeptu mapa. Laburbilduz, prozesuan gaude, biharko egina izango dugu.

Pigmalion efektuaren arazoak saihestuz

        Asteazkenean pigmalionen efektuari buruzko artikulu interesgarri bat irakurri eta aztertu genuen, hemen ikusgai. Pigmalionen efektu edo teoria 1964an eman zen ezagutzera Roshental psikologoaren esperimentu baten bitartez.

        

        Bertan ikasle batzuk bi taldetan banatu zituzten, talde horietako irakasleari ikasle "normal"ak zituela esan zioten eta besteari ordea bere ikasleak ohikoak baino azkarragoak zirela. Ikasturtean zehar bi geletan eman zen materia berbera izan zen baina ikasle “on”en gelan emaitzak nabarmenki hobeak izan ziren. Azterketa honek erakutsi zuen, irakasleek modu inkonzientean tratu ezberdina ematen dietela ikaslei beraiengan duten konfiantza eta itxaropenaren arabera, honek beraien errendimenduan erreflexu nabarmena izanez.

       

        Laburbilduz, pigmalionen teoriak azaltzen duena irakasleek beraien ikasleekiko dituzten itxaropenak baldintzatuz hauek hartzen duten jarrera ezberdina dela. Jarrera honek emaitza positiboak eta negatiboak ditu, aipatu dudan moduan ikasle “onei” modu ezberdinean tratatzen zaie modu inkonszientean: afektitate gehiagorekin, sarituz, zorionduz eta abar; hori dela eta beraien emaitzek gora egiten dute. Baina alderdi negatiboa ere aurkitzen da ikasle “normal” ekin izango den jarrera ez da berbera, ez zaie modu berean tratatuko eta hori dela eta beraien emaitzak ez dira hain onak izango.

 

        Teoria honek noski arazo ugari sortzen ditu. Lehenik irakasleak emandako tratuaren arabera ikasleak taldeetan klasifikatuak izango dira eta hezkuntza ezberdina emango zaie, honela irakaskuntza selektiboa bihurtuz, honek esperimentuak azaltzen duen moduan beraien errendimendu eta emaitzetan eragin zuzena izango du eta beraz ikasleen etorkizuna eta hezkuntza baldintzatuko da, hezkuntza ez justu bat emanez. Arazo hau ekiditeko, taldeen antolamendua ez da ikasle bakoitzaren kapazitateen arabera egin behar noski eta irakasleari ez zaio bere ikasleen kapazitate egoki edo ez egokietaz ezertxoere esan behar.

 

        Bestalde, ikasgeletan eman behar den hezkuntza berbera izan behar du, ezin dira ikasle “on”ekin zentratu eta “kaxkar”ragoak direnak alde batera utzi edo tratu ezberdina eman. Ikasgela batean denei hezkuntza berdina eman behar zaie eta noski batzuei besteei baino gehiago kostako zaie edukiak barneratzea. Kasu hauetan ikasle hauekin ere zentratu beharra dago, baina iruditzen zait ikasle guztiekiko inplikazio bera izaten saiatu behar duela irakasleak, honekin esan nai dut irakasleok ikasle bakoitzari denbora itarte bat eman behar diegula baina inoiz ez tratu berezia emanez.

 

        Izan ere, aipatu dudan tratu berezi honek arazo ugari sor ditzake ikaslearengan. Ikasleak, behar bezalako atentzio ez jasotzean motibazio galduko du eta muturrera eramanez eskola frakasoa azal daiteke; arazo hau ez gertatzeko ikaslea motibatu beharra dago eta hau bere gaitasunak nabarmenduz lortuko da. Horretarako zenbait ekintza antolatzea egokia da, modu batean ikasleak duen jakintza erakutsi dezala eta irakasle moduan joka dezala bere ikaskideei irakatsiaz. Irakasle bihurtzen naizenean ikasle guztiak ikasteko eta irakasteko motibatuak izaten saiatuko naiz, izan ere iruditzen zait umeari bultzadatxo txiki bat emanez berak duen guztia ateratzea lortu daitekela. Dudan pentsamendu hau azaltzeko, aipu hau oso egokia iruditzen zait: “Emaiozu zentimetro  bat umeari eta erregela bat sortuko du"(Sam Lévenson)

 

         Bestetik ikasleen arteko gatazkak ere sor ditzake tratu ezberdin honek, beraien artean ezberdin ikusteak ez die batere onik egingo beraien erlazioei. Arazo hauek saihesteko ikasle guztiekiko jarrera berbera izan behar du talde osoa aurkitzean irakasleok, ondoren ikasle bakoitzarekin denbora tarte berdina izaten saiatu beharko genuke, hau da, gela osoari azalpenak egin ondoren banaka joan ikasleei azalpenak ulertu dituzten galdetzen eta ulertu ezean berriro azalduz.

Argazki Esanguratsua

Hemen ikusten duzuen argazki hau blogera igo dugu bertan oso esaldi esanguratsua agertzen da eta. Guretzat funtsezko da irakasle batek umeei irakasten jakin nahi izatea, baina horrek ez du esan nahi irakasleak ikasten jarraitu behar ez duenik. Jakintzak ez du mugarik eta oraindik gutxiago irakasleentzat, beraiek dira eta umeen heziketaz arduratzen direnak eta.

Hezkuntza Eskubidea

 Hona hemen gure lehengo bideoa.

 

 Bideo honetan, ikus dezakegu hezkuntza eskubidea oso garrantzitsua dela, baina mundu guztia ezin duela aprobetxatu.   Hainbat datu ikaragarriak  ematen dizkigu, adibidez, oraindik ehun ta hamabost milioi haur daudela eskolatugabe.

TED

Web orrialde honetan konferentzia ezberdinetako bideoak agertzen dira. Mundu honetako pentsatzaile eta ekintzaile askok beraiei interesatzen zaizkien gaietaz hitz egiten dute eta orrialde honetan azaltzen dira hitzaldi horiek. Bertan hezkuntzari loturiko gaiak aurki daitezke. Orrialdea izatez ingelesez da, baina gaztelaniaz ikusteko aukera ere badago. Horregatik interesgarria iruditzen zaigu eta zuei erakutsi nahi dizuegu.

TED hitzak Tegnologia, Entretenimendua eta Diseinua esan nahi du. Bertan ezagutzera emateko ideia itxuroso asko azaltzen dira. Hemen aurki ditzakegun gaiak ondoko hauek dira: zientziak, artea, diseinua, politika, HEZKUNTZA, kultura, munduko gauzak, telknologiaeta garapena, aisia.

Ikusi duzuenez, gai askotariko bideoak agertzen dira orrialdean. Bideo guztiak gehienez 18 minutukoak izaten dira, beraz, gure ustez oso praktikoak izan daitezke klase batean jartzeko adibidez.


Informazio gehiago hemen.